23/11/2020
«Երեմյան Փրոջեքթս» ընկերության Խոհարարական արվեստի և հյուրընկալության ակադեմիան հյուրընկալել էր Արցախի Հանրապետության ԿԳՄՍ նախարար Լուսինե Ղարախանյանին:
Հանդիպման ընթացքում Խոհարարական արվեստի և հյուրընկալության ակադեմիայի տնօրեն Աիդա Տիգրանյանը ներկայացրել է իրականացվող մի շարք ծրագրեր և նախագծեր, տեղական ու միջազգային տարբեր կազմակերպությունների հետ համագործակցություններ։ Քննարկվել են Արցախից ժամանած տարբեր տարիքի շահառուների համար մշակված և իրականացված լրացուցիչ կրթական ծրագրերն ու ԱՀ-ում համանման մասնագիտություններով ոչ ֆորմալ կրթության զարգացման հեռանկարներին վերաբերող հարցեր :
Քննարկումների արդյունքում ձեռք է բերվել պայմանավորվածություն 2021 թվականին Արցախում և Երևանում արցախցիների և Արցախում գործող ուսումնական հաստատությունների դասավանդող անձնակազմի համար կարճաժամկետ և վերապատրաստման հատուկ ծրագրեր մեկնարկելու շուրջ:
