Բարի գալուստ Երեմյան ակադեմիա,

«Երեմյան փրոջեքթս» ընկերությունը համադրելով իր բազմամյա փորձը, գիտելիքներն ու հնարավորությունները ռեստորանային բիզնեսի ոլորտում՝ կյանքի կոչեց մեր վաղեմի երազանքը՝ Երեմյան ակադեմիայի հիմնումը, որն իրականություն դարձավ 2019 թվականին։

Եռամյա գործունեության ընթացքում գրանցել ենք հաջողություններ մեր բոլոր նախաձեռնություններում, որի արդյունքն ու ապացույցն են հանդիսանում մեր բազմաթիվ շրջանավարտների հաջողությունները սպասարկման տարբեր ոլորտներում, Հայաստանում և արտերկրում։

 Ակադեմիայի ուսուցման բարձ որակի չափանիշ է հանդիսանում մեր համագործակցությունը միջազգային հեղինակավոր Activate Learning Group, City of Oxford քոլեջի գործընկերների հետ, ում կողմից հավաստագրված են Ակադեմիայում մշակված ուսումնական ծրագրերը և հետևաբար թույլ են տալիս ստանալ միջազգային չափանիշներին համապատասխան ժամանակակից կրթություն տարբեր լեզուներով ընտրված ոլորտներում։

Մեր հաջողության գրավականը ոչ միայն մեր կազմակերպության կողմից բազմամյա տարիների կուտակած փորձն է, այլ այն բարձր որակավորում ունեցող մասնագետները, ովքեր դասավանդում են ակադեմիայում և կիսում իրենց հարուստ և հիմնարար գիտելիքները մեր ուսանողների հետ։

Կրթության և ուսուցման գործընթացում հաջողություններ գրանցելու համար անհրաժեշտ են համապատասխան ծրագրեր, որոնք մշակված են ժամանակակից աշխարհի սպասարկման բարձր չափանիշներն ապահովելու, արագ փոփոխվող աշխատաշուկայի կարիքները բավարարելու և ոլորտում բարձր որակավորում ունեցող մասնագետներ պատրաստելու համար։

Երեմյան ակադեմիան մշտապես կլինի մասնագիտական երազանքի իրականացման ձեր բարդ և հետաքրքիր ճանապարհի ուղեկիցը։

Հարգանքով՝

Աիդա Տիգրանյան