03/11/2019
«Երեմյան փրոջեքթս» խոհարարական արվեստի ու հյուրընկալության ակադեմիան դռները կբացի 2019 թվականի գարնանը:
«Երեմյան փրոջեքթս» խոհարարական արվեստի ու հյուրընկալության ակադեմիան դռները կբացի 2019 թվականի գարնանը:
«Արմենպրես»-ը ներկայացնում է newsarmenia.am-ի հարցազրույց «Երեմյան Փրոջեքթս» ընկերության գլխավոր տնօրեն Դավիթ Երեմյանի հետ:
Ինչո՞ւ հենց Խոհարարական արվեստի ու հյուրընկալության ակադեմիա:
Իմ խորին համոզմամբ խոհարարությունն ուղղակի աշխատանք չէ: Խոհարարությունն արվեստ է, իսկ խոհանոցը՝ տաղանդներ բացահայտելու վայր, որտեղ մարդիկ արարում, ստեղծագործում են: Հաճախակի լինելով խոհանոցում, ես տեսնում եմ, թե որքան ջանք ու հոգի է դրվում յուրաքանչյուր ուտեստի պատրաստման գործում: Պարզապես գեղագիտական հաճույք եմ վայելում՝ տեսնելով, թե խոհարարներն ինչպիսի մեծ բավականություն են ստանում ստեղծագործելիս, ամեն անգամ նոր ու գեղեցիկ, նուրբ համեր ու երանգներ ստանալիս։
